ಬೆಕೆಟ್ ನ Waiting for Godot ದ ಅಭೂತಪೂರ್ವ ಯಶಸ್ಸು ಅದುವರೆಗೆ ನಾಟಕ ರಚನೆಯ ಬಗ್ಗೆ ಇದ್ದ ಅನೇಕ ಮೂಲಭೂತ ನಂಬಿಕೆಗಳನ್ನು ಪ್ರಶ್ನಿಸುವಂತೆ ಮಾಡಿತು. Waiting for Godot ಕಾಯುವಿಕೆಯಂಥ ಅಮೂರ್ತ ವಿಷಯವನ್ನು ಕೈಗೆತ್ತಿಕೊಂಡಿತ್ತು. ಸಾಮಾನ್ಯವಾಗಿ ಅಲ್ಲಿಯವರೆಗೆ ನಾಟಕಗಳಲ್ಲಿ ಕಥೆ, ಹಂತ ಹಂತವಾದ ಅದರ ಏಕಮುಖ ಬೆಳವಣಿಗೆ, ಕಥೆಯ ನಿರ್ದಿಷ್ಟ ಅಂತ್ಯ, ನಾಯಕ, ನಾಯಕಿ, ಇವೆಲ್ಲ ನಾಟಕದ ಗೆಲುವಿಗೆ ಅಗತ್ಯ ಎಂಬ ನಂಬಿಕೆ ಇತ್ತು. ನಾಟಕ ನೋಡಲು ಬರುವ ಪ್ರೇಕ್ಷಕರು ಈ ರೀತಿಯ ಅಪೇಕ್ಷೆ ಇಟ್ಟುಕೊಂಡೇ ಬರುತ್ತಿದ್ದರು. ಆದರೆ ಬೆಕೆಟ್ ನ ಈ ನಾಟಕದಲ್ಲಿ ಕಥೆಯೇ ಇರಲಿಲ್ಲ. ನಾಟಕದಲ್ಲಿ ನಾಯಕ, ನಾಯಕಿ ಅಥವಾ ನಿರ್ದಿಷ್ಟ ಅಂತ್ಯ ಇವಾವೂ ಇರಲಿಲ್ಲ.
Read More
ಅಸಂಗತ ವೃತ್ತಾಂತ ೨
ನಿಮ್ಮ ಟಿಪ್ಪಣಿ ಬರೆಯಿರಿ
“ಹೆಸರಾಂತ ನಿರ್ದೇಶಕ ಗಿಡೋ ಇದುವರೆಗೆ ನಿರ್ದೇಶಿಸಿದ ಚಿತ್ರಗಳ ಸಂಖ್ಯೆ ಎಂಟೂವರೆ. ಒಟ್ಟಾರೆ ಏಳು ಚಿತ್ರಗಳಿಗೆ ಸ್ವತಂತ್ರ ನಿರ್ದೇಶಕ ಮತ್ತು ಮೂರು ಚಿತ್ರಗಳಿಗೆ ಸಹಾಯಕ ನಿರ್ದೇಶಕನಾದ್ದರಿಂದ ಅವನ ಲೆಕ್ಕದಲ್ಲಿ ಎಂಟೂವರೆ ಚಿತ್ರಗಳು. ಮುಂದಿನ ಚಿತ್ರದ ತಯಾರಿ ಮಾಡಬೇಕು ಅಂತ ಅವನಿಗೆ ಅನ್ನಿಸಿದೆ. ಆದರೆ ಯಾಕೋ ಇತ್ತೀಚಿಗೆ ಏನೂ ಸರಿಯಾಗಿ ಯೋಚಿಸಲಾಗುತ್ತಿಲ್ಲ. ಯಾವ ಕಥೆ ಅಥವಾ ವಿಷಯ ಸರಿಹೊಂದೀತು ಅಂತ ಯೋಚಿಸಿವುದಕ್ಕೆ ಶುರುಮಾಡಿದ ತಕ್ಷಣ ತಲೆಯೆಲ್ಲ ಖಾಲಿ ಆದಂತೆ ಅನಿಸಿ ಏನೂ ನಿರ್ಧಾರಕ್ಕೆ ಬರಲಾಗುತ್ತಿಲ್ಲ. ತನ್ನ ಬಳಿ ಹೇಳುವುದಕ್ಕೆ ಹೊಸದೇನೂ ಈಗ ಇಲ್ಲ ಎಂಬ ದಟ್ಟ ಭಾವನೆ ಬೆಳೆಯತೊಡಗಿತು. ಹೀಗೆಯೇ ಒಂದು ದಿನ ಕಾರ್ ಡ್ರೈವ್ ಮಾಡುತ್ತಾ ಇದ್ದಾಗ ತನ್ನ ಸೃಜನಶೀಲತೆಯೆಲ್ಲ ಸೋರಿ ಹೋದ ಬಗ್ಗೆ ಚಿಂತಿಸುತ್ತಾ ಕಾರನ್ನು ಗಕ್ಕನೆ ನಡುರಸ್ತೆಯಲ್ಲಿ ನಿಲ್ಲಿಸಿಬಿಟ್ಟ. ಇದರಿಂದ ಟ್ರಾಫಿಕ್ ಜಾಮ್ ಆಗಿ ಅವನ ಸುತ್ತಲೂ ಕಾರುಗಳ ಸಂತೆಯೇ ನೆರೆಯಿತು. ಮೈಯೆಲ್ಲಾ ಬೆವೆತು ಅವನ ಧ್ವನಿಯೇ ಉಡುಗಿತ್ತು. ತನ್ನ ಇರುವಿಕೆಯೇ ಇಲ್ಲದಂತಾಗಿ ಗಾಳಿಯಲ್ಲಿ ತೇಲಾಡಲಾರಂಭಿಸಿದ. ಮೇಲೆ ಮೇಲೆ ಎತ್ತರಕ್ಕೆ ಹಾರುತ್ತ ಇದ್ದ ಪತಂಗ(ಗಾಳೀಪಟ)ದ ಹಾಗೆ. ಕೊನೆಗೆ ಯಾರೋ ಹಗ್ಗದಿಂದ ಎಳೆದಂತಾಗಿ ಕತ್ತರಿಸಿ ಕೆಳಗೆ ಸಮುದ್ರಕ್ಕೆ ಬೀಳತೊಡಗಿದ. ಕೆಳಕ್ಕೆ… ಆಳಕ್ಕೆ.”
ಅಮೂರ್ತ 
