ಚಂದ್ರ

ದೊಡ್ಡ ಎಲೆಕ್ಟ್ರಿಕ್ ಕಂಬದ ಹಿಂದೆ ನಿಧಾನಕ್ಕೆ ಈ ಹುಣ್ಣಿಮೆಯ ಚಂದ್ರ ಮೇಲೇರುತ್ತಿದ್ದ. ಛಾಯಾಚಿತ್ರವನ್ನ ಕ್ಯಾಮೆರಾದಲ್ಲಿ ಹಿಡಿದಾಗ ನನಗೆ ಚಿತ್ರದ ವಿನ್ಯಾಸದ ಬಗ್ಗೆ ಅಷ್ಟೊಂದು ಭರವಸೆ ಮೂಡಿರಲಿಲ್ಲ. ಆದರೆ ಅನಂತರ ಚಿತ್ರವನ್ನ ಕಂಪ್ಯೂಟರ್ ನಲ್ಲಿ ನೋಡಿದಾಗ ಪರವಾಗಿಲ್ಲ ಎನಿಸಿತು. ಸರಳುಗಳ ಹಿಂದೆ ಇರುವ ಚಂದ್ರ ಚಿತ್ರದ ಆಕರ್ಷಣೆಯ ಕೇಂದ್ರಬಿಂದು. ಆದರೆ ಎಲೆಕ್ಟ್ರಿಕ್ ಕಂಬದ ಸರಳುಗಳು ಮೂಡಿಸುವ ಕಪ್ಪು ಗೆರೆಗಳು ಚಿತ್ರಕ್ಕೆ ಅಷ್ಟೇ ಮುಖ್ಯವಾಗಿವೆ ಎಂದು ನನ್ನ ಅನಿಸಿಕೆ. ಅವು ಚಿತ್ರದ ಚೌಕಟ್ಟನ್ನು ವಿವಿಧ ಪ್ರಮಾಣದ ತ್ರಿಕೋಣ ಮತ್ತು ಚೌಕಾಕಾರಗಳಲ್ಲಿ ವಿಭಾಗಿಸಿ ಚಿತ್ರಕ್ಕೆ ಅಮೂರ್ತತೆಯ (abstractness) ಛಾಯೆಯನ್ನ ನೀಡುತ್ತವೆ. ಚಂದ್ರನೊಂದಿಗೆ ಸ್ಪರ್ಧಿಸುತ್ತ ನೋಡುವವರ ಗಮನ ಸೆಳೆಯಲು ಪ್ರಯತ್ನಿಸುತ್ತವೆ.

• ಕಪ್ಪು ಬಿಳುಪು